சதுரங்க வேட்டை படம் மூலம் இயக்குனராக அறிமுகமானவர் ஹெச்.வினோத் முதல் படத்திலேயே கவனிக்கத்தக்க இயக்குனராக மாறிய இவர், அதன்பிறகு கார்த்தியை வைத்து தீரன் அதிகாரம் ஒன்று என்கிற அதிரடி ஹிட் படத்தை கொடுத்தார், அதன் விளைவாக அஜித்தை வைத்து தொடர்ந்து மூன்று படங்களை இயக்கும் வாய்ப்பை பெற்றார்,
பெரும்பாலும் இப்படி பிரபல ஹிட் பட இயக்குனர்களின் உதவியாளர்கள் தங்களது அறிமுக படங்களை இயக்கும்போது அதன் மீதான எதிர்பார்ப்பு அதிகமாக இருக்கும் அப்படி ஹெச்.வினோத்தின் உதவியாளர் ஸ்ரீ வெற்றி என்பவர் தற்போது நாற்கரப்போர் என்கிற படத்தின் மூலம் இயக்குனராக அறிமுகமாகிறார்.
இவரது குருநாதர் தனது முதல் படத்திற்கு சதுரங்க விளையாட்டை மையப்படுத்திய சதுரங்க வேட்டை என டைட்டில் வைத்திருந்தார். இவரோ நிஜமாகவே சதுரங்க விளையாட்டை மையப்படுத்தி உருவாகும் இந்த படத்திற்கு நாற்கரப்போர் என்று டைட்டில் வைத்துள்ளார். குருவின் பாதையிலே இவரும் வெற்றி பெறுவார் என எதிர்பார்க்கலாம்.
