இசையமைப்பாளர் சந்தோஷ் நாராயணன் தான் இசையமைக்கும் படங்களில் எல்லாம் பின்னணி இசையில் மிரட்டுவதுடன் படத்திற்கு படம் எப்படியாவது சூப்பர் ஹிட் பாடல்களையும் கொடுத்து விடுகிறார். அதனால் அவருக்கென ஒரு தனி ரசிகர் கூட்டம் உண்டு. இதனால் திரைப்படங்களுக்கு மட்டுமல்லாது சில தனி இசை ஆல்பங்களுக்கும் இசையமைத்து வருகிறார் சந்தோஷ் நாராயணன்.
அந்த வகையில் கடந்த சில வருடங்களுக்கு முன்பு சந்தோஷ் நாராயணன் இசையில் அறிவு, தீ இருவரும் இணைந்து என்ஜாய் எஞ்சாமி என்கிற பாடலை பாடியிருந்தனர். மூன்று ஆண்டுகளுக்கு முன்பு வெளியான இந்த பாடல் யூட்யூப்பில் மட்டும் 45 கோடிக்கு அதிகமான பார்வையாளர்களால் பார்க்கப்பட்டது.
தற்போது இந்தப்பாடல் வெளியாகி மூன்று ஆண்டு நிறைவடைந்துள்ள நிலையில் இந்த பாடல் மூலம் தனக்கு சல்லி பைசா கூட கிடைக்கவில்லை .. இத்தனைக்கும் அந்த பாடலின் 100 சதவீத உரிமை என்னிடமே உள்ளது. யூட்யூப்பில் மட்டுமல்லாது மற்ற எல்லா தளங்களையும் சேர்ந்து இதுவரை பில்லியன் முறை அந்த பாடல் ஸ்ட்ரீம் ஆகி உள்ளது.
ஆனால் வருமானம் என பார்த்தால் ஜீரோ தான்.. ஆனால் அந்த பாடலுக்கு நீங்கள் கொடுத்த ஆதரவுக்கு நன்றி. இதில் பங்கேற்ற கலைஞர்களுக்கு எப்படியாவது என்னுடைய கைக்காசையாவது கொடுத்து நான் நிலுவை தொகையை சரி செய்து விடுகிறேன் என கூறியுள்ளார்.
இதற்கு காரணம் இந்த பாடலை ஒளிபரப்பும் உரிமையை ஏ.ஆர்.ரஹ்மான் சிபாரிசு மூலம் பெற்ற நிறுவனம் சந்தோஷ் நாராயணனுக்கு எந்த பணமும் தராமல் ஏமாற்றிவிட்டது தான் என்று சொல்லப்படுகிறது.
